Lexim në sallë
Biblioteka krijon kushte optimale për lexim në sallë. Hapësirat e qëndrimit janë të bollshme brenda normave ndërkombëtare, po kështu edhe ajrosja dhe ndriçimi janë të kombinuara me ajrin e kondicionuar sipas stinës, ndërsa ndriçimi është i garantuar elektrik dhe natyror. Salla ka shërbim të pandërprerë interneti Wi-Fi.
Në sallë ndodhen 16 poste qëndrimi. Lexuesi mund të studiojë me materialet që sjell, apo mund të konsultohet me librat e fondit të hapur.
Lexuesit duhet të respektojnë rregullat e përdorimit të fondeve të hapura, që i bëhen të ditura më parë nga personat që shërbejnë në bibliotekë.
Leximi në sallë është një ndërthurje e të drejtave që kanë lexuesit, por edhe e detyrimeve të përcaktuara në rregulloren e bibliotekës.
Huazim libri
Huazimi i librit bazohet në rregullat ndërkombëtare të bibliotekonomisë. Huazimi kryhet pas anëtarësimit të lexuesit në bibliotekë. Ai varet nga sasia e titujve në bibliotekë dhe nga gjendja e librit në momentin e kërkesës.
Për specifikat e bibliotekës, huazimi do të jetë i rrallë, por gjithsesi do të realizohet sipas mundësive.
Çdo libër i huazuar mbahet në shtëpi apo në godina universitare nga 10 ditë deri në dy javë. Nuk lejohet në asnjë mënyrë tejkalimi i datës së përcaktuar. Për çdo ditë vonesë, lexuesi paguan 20 lekë, të cilat përdoren për pasurimin e bibliotekës.
Për studentët
Biblioteka është në shërbim të studentëve si bibliotekë plotësuese e bibliotekës universitare. Para se të vijë në bibliotekë, studenti mund të njihet me njësitë bibliotekare që ndodhen këtu përmes katalogut on-line ose me një vizitë paraprake.
Përmes katalogut on-line studentët mund të kërkojnë, por edhe të rezervojnë librat që duan.
Studentët mund të përdorin mjediset e bibliotekës edhe për promovime librash apo për diskutime të llojeve të ndryshme.
Më shumë për shërbimet
Bazuar legjislacioni shqiptar dhe manifestet ndërkombëtare, biblioteka siguron barazinë njerëzore, lehtësi në shërbim, ndihmë dhe transparencë në përdorimin e dokumentave që disponon. Ajo përkrah dhe promovon nisma të ndryshme kulturore, të antarëve të saj por edhe të qytetarëve.
Antarësimi. Çdo njeri që dëshiron të njihet dhe të përdorë pasuritë bibliografike të bibliotekës apo dëshiron të studiojë me materialet vehtiake duhet të antarësohet. Antarësimi është falas, mjafton të kesh një mjet identifikimi, një adrese punësimi, shkolle, apo edhe adresën e shtëpisë në rastet e të papunëve.
Hapësira Ka nji sipërfaqe prej 100m2 nga e cila 70 m2 është salla e leximit. Pjesa lindore e kësaj salle është një faqe të tërë xhami që lehtëson jo vetëm ndriçimin natyral, por edhe krijon një kompleks të këndshmë arikitektonik në të cilin hapësira e bibliotekës ndërthuret me faqen perëndimore të Katedrales dhe të Kompanjelit të saj madhështor
Orari i bibliotekës
Nga e Hëna deri në të Shtunën, 10.30-13.00.
Pas dreke lexuesit mund të vet-shërbehen, mjafton të paraqiten në katin e parë, apo të kontaktojnë me personat e kontaktit, prej orës 16.00-18.00.
Referimet on-line
Realizohen përmes adresave të kontakteve. Biblioteka afron shërbime informative rreth fondeve, por edhe të karakterit bibliografik për studiuesit.
Për studiues
Librat, periodikët e materialet e tjera dokumentare dhe audio janë të vendosura në 22 raftat me nga 6 ndarje. Ata janë të ndarë në disa fonde, si: enciklopeditë, periodiku, libri shqip, libri antiquar, fondi albano-balkanologjik dhe libri në gjuhë të huaj.
Librat shqip dhe të huaj rrokin të dhjetë fushat e diturive njerëzore, mbështur në klasifikim lëndor universal (K.D.U).
Në rafte librat janë të vendosur bazuar në tabelën e këtij klasifikimi. Brenda çdo nëndarje vendosen duke ndjekur përgjithësisht Tabelën e autorit, më thjeshtë sipas mbiemrit dhe emrit të autorit, (bazuar në rënditjen alfabetike të gjuhëve në të cilat është publikuar libri, në rastin e shqipes, nga A- Zh), ndërsa veprat e të njëjtit autor sipas titujve të librave (gjithnji duke u bazuar në renditjen alfabetike).
Përdorimi i bibliotekës është mjaft i lehtë pasi në çdo ndarje të rafteve janë të vendosura shenjat konvencionale.
Për studentë
Biblioteka synon të jetë kryesisht, bibliotekë e shkencave humane. (filozofi, fe, politike, gjuhë, letërsi, histori etj.), si dhe shkencave shoqërore (të komunikimit, ekonomi, folkloristikë, etnologji, art etj), por nuk mungojnë trajtesat e shkencave natyrore.
Studentët mund ta përdorin bibliotekën për qëllime të ndryshme, si: studime individuale apo kolektive; lexime për t’u shplodhur, si: gazeta , revista; navigim në internet; dëgjimin të materialeve audio-vizive, audio- book etj.
Biblioteka është në dispozicion të studentëve e nxënësve për aktivitete promovuese , konferenca e takime